saan ako kabilang

pangarap.

ang cwts ko ngayon, yun ang pangarap ko last sem.
galing ako sa eng'g pero mas ginusto kong kumuha ng cwts sa cssp dahil hindi ko pinangarap ang cwts na rapelling. mas gusto ko ang community service. gusto kong gumawa para sa iba.

ano ba ang pangarap ko last sem? pangarap ko ang community service na hindi sa labas ng campus. pangarap ko ang community service dito mismo sa campus, sa selebrasyon ng ika-1oo taon ng UP. pangarap na natupad.

pagtamasa ng natupad na pangarap. hinati kami sa iba't-ibang grupo. meron para sa exhibit, website at publicity... pero kabilang ako sa film tribute group. layunin ng grupo na gumawa ng isang film tribute para sa cssp kung saan nakalagay dito ang mga maipagmamalaki ng bawat departamento ng cssp.

sa totoo lang, hindi ako ganon ka-komportable noong una. gumagalaw ako sa mundong hindi akin. pero natuwa ako na sa mundong ito na hindi ko pagmamay-ari, nakatira ang mga taong malawak ang pag-iisip... natatangi... kakaiba.